لہر پانیاں چوں اٹھی، لگدا چلن ہواواں،

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

ٹھنڈھا سبھ کر جاون، ایہہ ہن پچھمی ہواواں،

تتا سبھ کجھ لگے، جاں چلن دکھنی ہواواں ۔

بدل ادھر ہی جاوے، جدھر جاندیاں ہواواں،

سبھ ٹٹ-بھجّ جاندا، چلن تیز نہ ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

دن سدھے دا ثبوت، چلن سدھیاں ہواواں،

وقت بہتا ہی ستاوے، جے چلن الٹ ہواواں۔

چلن، سنگندھاں لے آؤن، گلی یار دی ہواواں،

بنھن 'یاداں' دا پلندا، ایہہ جو خاص ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

اگّ تیز کر جان، تھوڑھی تیز جہیاں ہواواں،

مینہہ رحمتاں دا پاؤن، چلن مٹھیاں ہواواں۔

چلن، سکون مل جاوے، اوہدے در دیاں ہواواں،

ویہڑے سادھوآں دے چلن، 'نشے بھنگ' جہیاں ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

اک چیتاونی جہی لگے، ناگ دے نکّ دیاں ہواواں،

اک فنکاراں جیہا لگن، کسے دے 'مگے' دیا ہواواں۔

چلن سیکھیاں نال چلن، رلے 'دارو' دیاں ہواواں،

اوہدا 'آپا' دسّ جان، جو کڈھے 'اوئے' دیاں ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

دھواں اچا لے جان، اچی اٹھن ہواواں،

پنچھی دور لے جان، اوہدے پراں دیاں ہواواں۔

سر، وکھرے تے گیت، سن گاؤندیا ہواواں،

ربا سدا چلی جان، ایہہ جو چلن ہواواں ۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

ساہ-ساہ وچّ پاؤن، میرے ساہاں دیاں ہواواں،

اوہنوں کداں بھلّ جاواں، ادوں چلیاں جو ہواواں ۔

پنڈت 'کنڈلی' بناوے، پچھے کہڑیاں سی ہواواں،

مہک دھوپھ دی لیاون، ایہہ وی ہندیاں ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

قدر بوٹیاں دی پاؤنا، جدوں مہک دیاں ہواواں،

سنگیت میلاں تکّ چکّ، لے جاندیاں ہواواں۔

تکڑیاں تیرے نالوں لگن، پانی چکدیاں ہواواں،

احسان کدے نہ توں بھلی، ہواواں، ربّ جہیاں ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

جہڑیاں مدتاں توں چلن، ایہہ نے ربّ دیاں ہواواں،

چلن، احسان کر جان، چلن کوئی وی ہواواں ۔

اک تنگ کر جان، اوہ وی ہندیاں ہواواں،

ٹھنڈا شیت کر جان، سنتاں دے مکھ دیاں ہواواں۔

لہر پانیاں چوں اٹھی، لگدا چلن ہواواں،

بوٹے خوشی وچّ جھومن، جدوں چلن ہواواں۔

اسی کے متعلق مزید شعر

Copyright 2020 | Anzik Writers